Followers

Tuesday, October 14, 2014

للراغبين بالهجره لأمريكا ,قائمة اسعار السكن و المعيشه

لسته بمصاريف المعيشه لاسره اربع افراد, ولاية ويسكنسن Wisconsin - امريكا [ ] مصاريف الايجار :(شقه ايجارها غالي لانها في منطقه سكنيه آمنه بمعدل جريمه يكاد يكود معدوم, في المناطق ذات معدل الجريمه المتوسط او العالي يكون الايجار بنفس حجم الشقه اقل بكتير جدا) $1500 في الشهر شامله الغاز (شقه غرفتين نوم + 2 حمام + سفره و صالون +دواليب في اوض النوم (بدون الاثاث) + مطبخ كامل [ ] شامل غساله هدوم + مجفف + مايكروويف + ثلاجه + غسالة صحون + بوتاجاز ) + جراج يسع 2 سياره + حمام سباحه لجميع السكان و جيم [ ] مصاريف الاكل : 2000 $ شهريا (اسره اربع افراد) [ ] مصاريف التامين الصحي : 400$ شهريا اسره اربع افراد -غير شامل دكتور الاسنان و العيون ( التامين بيغطي عمليات العيون او المعالجه لكن مش كشف النظر و لا الكشف السنوي, كذلك الاسنان) [ ] فاتورة الكهربا: شهريا حوالي 250 $ خصوصا في الشتاء لما يشتغل علي الساخن للتدفئه (التكييف مركزي) [ ] كمان في ضرايب بتندفع علي المرتب الشهري, حوالي 350$ شهريا و بتزيد بزيادة المرتب [ ] المدارس الحكوميه : [ ] : لازم تكون الاسره ساكنه في نفس منطقة المدرسه عشان يكون من حقهم يدخلو ولادهم مجاني المدارس الحكوميه اللي في نفس المنطقه) [ ] مصاريف المدارس : ابتدائي (حكومه) 100$و اقل في السنه [ ] اعدادي (حكومه) 100$ و اقل في السنه [ ] مصاريف شراء ادوات المدرسه : 50$ ابتدائ و اقل في اعدادي [ ] امتلاك سياره اساسي, يمكن شراء سياره مستعمله, السعر يتراوح بين 6000$ لحد $15000 - سعر البنزين للجالون مابين 3 ل 4 دولار [ ] مصاريف ملابس الشتاء : جاكت تقيل جدا $50 للكبار و اقل للاطفال + بووت و طاقيه و قفازات 50$ كله [ ] لايوجد زيي رسمي لمدارس الحكومه, الطلبه بيلبسوا هدوم خروج عاديه. [ ] مصاريف الباص : لايوجد (مجاني) [ ] مصاريف الغدا في المدرسه : الوجبه ب 2.50$ او ممكن الطالب يجيب غداه من البيت. [ ] معلومات اضافيه : [ ] الاكل سواء في محلات البقاله او حتي في مطاعم الوجبات السريعه رخيص جدا بالنسبه لمصر.كل محل بقاله ليه كوبونات تخفيض علي انواع كتير من الاكل.الكوبونات بتيجي في البريد مع الجرايد المجانيه.كمان في عروض كتير زي اشتري واحد و التاني خده مجاني.كل محل بقاله بيدي الزباين كارت يستخدموه لتخفيض الاسعار (الكارت مجاني) [ ] مثال : فرخه مجمده متوسطة 4$ , لبن جالون 2.50$ ,بيض 12 واحده 1.50$ [ ] بشكل عام الخضار و الفاكهه اغلي من اللحمه و الفراخ. [ ] وجبة اطفال ماكدونالدز : $4 [ ] بيتزا هت : اتنين بيتزا متوسطة الحجم مع عيش التوم و اجنحة فراخ 19$ [ ] ساندوتش subway اكبر حجم (طوله 1 قدم) 5$ [ ] المكتبات العامه : [ ] مجانيه للجميع و فيها كمبيوترز و دروس مجانيه للاطفال و نشاطات. محتاجه بس كارت عشان الاستعاره. [ ] الاسعار في امريكا ارخص من دول اوروبا. Shared from Google Keep