عشان تفهموا ليه الناس عايزة تعتصم في وول ستريت في نيويورك ،منهاتن
باختصار و بالبلدي كدة دة شرح سريع للمعونات اللي الامريكان بياخدوها من الحكومة ،و كمان شرح للخلاف بين اوباما و الكونجرس
كل مواطن أمريكاني دخله أقل من حد معين ( على حسب الولاية ) بياخد المعونات دي
لو عنده أطفال بياخد ١٠٠ دولار في الشهر أكل لكل واحد فيهم ( الرقم بيختلف من ولاية للتانية ) ،و كمان شيكات أكل زيادة لو كانوا الاطفال أقل
من ٥ سنين
لو المدام حامل ،بتاخد باردو شيكات أكل ،و لما تولد بيكون على حساب البلد ( من الضرايب ) ،الولادة بتتكلف ٢٠٫٠٠٠ دولار !!
كمان بيساعدوه في دفع فواتير الكهربا و إلغاز !
كمان لو عاطل من غير شغل بياخد معونة بمقدار زي لو كان بيشتغل ب-١٠ دولار في الساعة ،٤٠ ساعة في الاسبوع ،لحد ما يلاقي شغل
الانأح من كدة ،عندي في الولاية ،لو إنت دخلك أقل من حد معين من حقك موبايل بخطه بدقايقه ببلاش !!
كمان لو إنت عاطل و عايز تدرس ،باردو بيساعدوك في مصاريف الدراسة !
و طبعاً باردو في برنامج تأمين صحي مخصوص تبع المعونات دي !
طب نجي نشوف الطبقة اللي بتشتغل و تعمل فلوس كتير
بيدفعوا حوالي ١٢٠٠٠ دولار ضرايب ف السنة دة غير مصاريفهم الخاصة ،غير مصاريف التأمين الصحي (حوالي ٤٠٠ دولار ف الشهر لأسره ٤ أفراد )
الضرايب دي بتزيد على حسب الدخل ( ضريبة تصاعدية )
الخلاف بين اوباما و الجمهوريين ،إن اوباما عايز ياخد ضرايب أكتر من الأغنياء و يديها للناس اللي دخلها قليل !
من ضمن البرامج اللي اوباما عايز يزود الضرايب و يصرف منها عليه ،برنامج إجهاض المرأه اللي حملت ف طفل و مش عايزاة ! يعني من الاخر كدة
كل وحدة مراهقة تحمل و مش عايزة الطفل ،تروح تنزله من غير ماتدفع ولا مليم ،لكن احنا اللي ندفع من الضرايب !! هو دة هدفه تجنب وجود أطفال عالة على المجتمع ،لكن أنا باردو رافضة إن دة يندفع من الضرايب !
ف مصريين كتير و ناس من دول تانية طبعاً زي المكسيك و غيرها .بيجو هنا بفيزة ،يخلو زوجاتهم يولدوا على حساب الولاية ،و بعدين ولدهم ياخدوا الجنسية و يمشوا من غير ما يدفعوا الحساب .الفلوس دي ف الاخر بتتاخد من الضرايب اللي احنا بندفعها !
دة غير باردو ناس كتير ما بتدفعش فواتير الدكاترة ،و باردو كل دة بيتاخد من الضرايب !
بدأ الناس العاطلين يرفضوا يشتغلوا الشغلانات اللي ب-١٠ دولار ف الساعة لئن الحكومة بتديلو المبلغ دة بالظبط ك معونة بطالة !
تشوف وحدة كل شوية تخلف عيل من أب شكل و تروح تاخد المعونات لكل عيل عندها ،ولا تفكر انها تشتغل ماهو كله من الضرايب !
هو دة اللي بيحصل هنا ف أمريكا !
اوباما عايز يزود المعونات بإنه ياخد ضرايب أكتر ،لكن الجمهوريين شايفين إن دة غلط و مش ف مصلحة إقتصاد البلد .
اللي حصل ف وول ستريت إن الناس رافضة إن الكونجرس يقلل الضرايب و بالتالي يقلل و يقص ف المعونات دي .
هي دي الصورة بإختصار حاليا ف أمريكا .
