هتكلم عن فشل المخابرات الأمريكيه في منع جرايم قتل و جرايم إرهاب بالرغم من
المراقبه لمرتكبيها.
الغرض اني أوريكم بالدليل إن المخابرات الأمريكيه في الداخل و
الخارج لها سهوات و أخطاء و دي اللي بتتفسر مننا علي انها مؤامرات .
فشلت المخابرات الأمريكيه الفيدراليه في إكتشاف تفجيرات بوسطن بالرغم
من انها كانت علي علم و عملت بالفعل مقابله مع الولد الروسي سنتين قبل الحادث ,وغير كده روسيا نفسها كانت مبلغه إن الولد قد يكون
إتصل بالفعل بجماعات إرهابيه في الشيشان.
المباحث الفيدراليه بحثت ورا الولد و ملقوش حاجه تخوف و بالتالي أسقطو
عنه المراقبه ،و بعد ما حصل التفجيرالشعب الأمريكي لام المباحث الفيدراليه بشده واللي اعترفت بتقصيرها .إذا
ده تقصير مش مؤامره.
الواقعه التانيه اللي قصر فيها البوليس في كلفورنيا هي اللي حصلت الشهر
اللي فات و هي طعن بالسكين و قتل بالمسدسات٧ طلبه و إصابة ٣٠ اخرين من طالب في نفس الجامعه أهله أثرياء ,و إتضح إنه
مريض نفسيا من زمان.
الولد عمل فيديوهات علي يتوب يقول فيها إنه هيقتل كل البنات و كل الولاد
عقابا ليهم عشان مش بيصاحبوه و كمان حدد الزمان و المكان.
والدته شافت الفيديوهات و اتصلت بالبوليس ،فلما راحلوه و اتكلموا معها
قالوا إنه ولد كويس و خلاص علي كدة ! لا فكروا يراقبوه ولا حاجه, و افتكروا إنه لعب عيال و كده ! يعني حتي مفكروش علي الأقل انهم يراقبوه في اليوم
اللي حدد فيه إرتكاب المذبحه ! ده إسمه "إهمال" مش مؤامره من البوليس .
وبنفس الطريقه حصلت أحداث 11 سيبتمبر ،ماهي إلا إهمال و إستهتار و عدم
أخذ التهديدات علي محمل الجد ،ليست مؤامره كما يتصور العرب . انتهي.
